VOV4.M’nông – N’gâng kan tâm rnglăp nchră nău Trung Quốc an gĭt, Groi kruanh rnâng kan N’gâng kan tâm rnglăp nchră nău Mỹ Wendy Sherman mbra geh rơh khâl tât nkual ƀon têh Thiên Tân, Trung Quốc bah nar 25-26/7 tât. Mpeh Mỹ lĕ dăn đă n’hanh an wa Sherman tât khâl Trung Quốc gay tâm rgâl nău mĭn êng mpeh tâm boh ăp ding kơt ăp nău ndrel uănh. Tĭng trong nchrăp, Groi kruanh n’gâng kan nchră nău Trung Quốc Tạ Phong (Xie Feng), nuĭh mât uănh mpeh nău tâm boh Trung Quốc-Mỹ mbra geh nar pah kan đah wa Sherman, lor rnôk ƀư rgum nchră đah Ủy viên Quốc vụ viện nkre ƀư Kruanh n’gâng kan tâm rnglăp nchră nău Vương Nghị. Tâm ăp rơh mâp aơ, mpeh Trung Quốc nchrăp mbra ƀư kloh nău mĭn êng nơm bah dak aơ đah Mỹ tâm nău hun hao tâm boh ăp ding, kơt nău ƀư têh dăng tâm nău mât njrăng nău ƀư tơm, rnă njrăng n’hanh ăp nău geh hun hao êng.

            Nŭih rblang: Y Sưng Phê Ja