VOV4.M’nông: Ôi lơ 7/5, rmôt hăn kan bah Hội đồng săch kan neh dak, yor Groi Kruanh Quốc hội Đỗ Bá Tỵ, Uỷ viên Hội đồng săch kan neh dak, Kruanh Tiểu ban rnă njrăng, đăp mpăn ndrel dak si ƀư Kruanh rmôt hŏ pah kan đah Uỷ ban săch kan n’gor Khánh Hoà uănh nau nchrăp săch kan ntơh măt Quốc hội gưl XV ndrel ntơh măt HĐND ăp gưl, năm kan 2021-2026. Tĭng uỷ ban săch kan n’gor Khánh Hoà, lam n’gor geh rlau 970 rbăn cử tri, đah 960 ntŭk nklăch phiếu. N’gor hŏ ndâk 3 rmôt săch kan ntơh măt Quốc hội gưl XV, 14 rmôt săch kan ntơh măt HĐND n’gor. Groi kruanh Quốc hội Đỗ Bá Tỵ đă, gay rơh săch kan Quốc hội ndrel HĐND ăp gưl geh nau đăp mpăn ƀon lanm ƀư tơm, tâm ban, tâm di pháp luật, đăp mpăn, têm nkre, uỷ ban săch kan bah n’gor ân geh uănh nau săch kan tâm dâng, kơp uănh, mât kloh rnoh cử tri, ngăn lah cử tri dôl hăn joi ka dak lêng. Bah năp nau tât bah srê Covid-19, Groi Kruanh Quốc hội Đỗ Bá Tỵ đă n’gor Khánh Hoà ân ntrŭnh ngăn nau kan njrăng rdâng srê./.

Nŭih rblang: H’Thi