VOV4.M'nông: Ta năp nău tât krit nji bah nuh srê, trôk nar lơh, ăp gưl ủy Đảng, n'gâng kan tâm dâng ta n'gor Quảng Ngãi ân rđău đă lĕ n'hâm suan, tĭng ƀư ăp trong nkra ngăch ngăr gay hun hao wăng sa- rêh jêng kon nuĭh. Aơ lah nău lah rđău đă ôi (17/11) bah Thượng tướng Trần Quang Phương, Groi kruanh Quốc hội ta Rơh hop tâl 5, HĐND n'gor Quảng Ngãi khóa XIII, năm kan 2021-2026. Rơh hop kêng dŭt năm dja rgum tâm nchră, tâm ban ŭch uănh an dŏng 9 Nghị quyết, ƀư jêng ngăn ngăn ăp quy định bah Trung ương, Ban Thường vụ Tỉnh ủy, Ban chấp hành Đảng bộ n'gor lăp tâm nău ngăn ta n'gor. Lah ta rơh hop dja, Thượng tướng Trần Quang Phương, Groi kruanh Quốc hội an lah, n'gor hŏ geh ăp trong n'glêh an di, năn ngăch nkra ăp nău nuih ăl ngăn ngăn, uănh khlay nkra ăp nkô̆ nău geh tât nău rêh, đăp mpăn lam rêh jêng kon nuĭh, n'huk djơh ntŭk gŭ rêh. Groi kruanh Quốc hội ŭch rŏng n'gor mbra geh ăp nău dơi uĕh lơn tâm let năp tay./.

Nuĭh rblang: Điểu Thân