VOV4.Mnông- Kêng măng nar 17/11, groi kruanh rnâng kan Qh Trần Thanh Mẫn ndrel đah ăp đại biểu Quốc hội khóa 15 bâh n’gor Hậu Giang geh rơh tâm mâp ƀon lan nkuăl ƀon têh Vị Thanh, nkuăl Vị Thủy, Châu Thành n’hanh Châu Thành A. Ta rơh tâm mâp, ƀon lan mpơl nău tâm ban ŭch, rnê âk nău geh bâh rơh rƀŭn nchră tal 2, Quốc hội khóa 15, nkre lah na nê̆, dăn đă tât ăp nuĭh đại biểu Quốc hội âk nău tâm rgop.

Ntoh ngơi ta rơh tâm mâp, groi kruanh rnâng kan Quốc hội Trần Thanh Mẫn kơp dơn n’hanh rnê âk nău dơi geh ma n’gor Hậu Giang dơi geh tâm ba năp nơh, nkre lah tâm kơl đah ăp nău jêr jŏt, nău ntul rlong khuch tât nău wăng sa rêh jêng ta ntŭk. Mpeh du đê̆ nău dăn đă bâh ƀon lan đah ntrong kan dak si, groi kruanh rnâng kan QH mbơh, chính phủ mbra ntrŭnh lĕ rngôch ntrong kan njrăng, rdâng Covid-19, mĭn uănh n’hêl, ndơ̆ mbơh du đê̆ ntil ndơ dŏng dak si ta rnoh geh mât uănh rnoh khlăy, mât đăp mpăn rnoh khlăy. Geh ntrong kan săk rnglăy gay ma geh njoat n’huch nău bah ir tâm ƀah uănh săm ji, mât săm ji đah ăp ngih dak si, nkual mpeh mper.

Nuĭh rblang: Thị Đoắt