VOV4.M’nông: Ôi lơ 22/6, HĐND n’gor Hậu Giang gưl X, năm kan 2021-2026 ntơm rƀŭn tal bôk năp. Uỷ viên Bộ chính trị, Groi Kruanh Rnâng kan Quốc hội Trần Thanh Mẫn râng ndrel geh nau ntoh ngơi rđau ta rơh rƀŭn. Ntoh nau ta nar rƀŭn, Groi Kruanh Rnâng kan Quốc hội Trần Thanh Mẫn đă, ntơm bôk năm kan 2021-2026, Rnâng kan HĐND n’gor ân geh tâm grop ngăn đah Rnâng kan UBND, Uỷ ban MMTTQ Việt Nam n’gor ndrel rmôt kan ntoh măt Quốc hội tâm ban nau ndâk ndrel ntrŭnh nau tâm rgop, pă nau kan tâm ăp nkô̆; Rnâng kan UBND, ăp nŭih kan bah UBND ndrel ăp nŭih kơl nchră nau ƀon lan n’gor mhe geh săch ân geh rgum nuih n’hâm, tâm rnglăp, uănh rjăp nau tât, nau nsing ndăn, geh nau blau dŏng nau dăng, tâm ban nau mĭn ndrel nau kan, nsôih ndâk n’gor Hậu Giang jêng ntŭk hun hao văng sa bah nkuăl Đồng bằng sông Cửu Long./.

Nŭih rblang: H’Thi