VOV4.M’nông – Mhe aơ, Groi kruanh tâm rnglăp nchră nău Mỹ, wa bu ur Wendy Sherman, lĕ nkoch bri sŏng dăng đah ntoh măt bah chính phủ ƀon lan Myanmar. Tĭng nău mbơh bah Kruanh N’gâng kan nchră nău Mỹ, Groi kruanh nchră nău Mỹ Wendy Sherman lĕ nkoch bri pơk sŏng dăng đah wa Zin Mar Aung, nuĭh lĕ dơi săch ƀư kruanh nchră nău tâm chính phủ Thống nhất Ngih dak Myanmar. Chính phủ Thống nhất Ngih dak Myanmar dơi ndâk njêng yor ăp nuĭh bah chính phủ ƀon lan săch bah năp aơ n’hanh ăp nuĭh dun rlơn đah n’gâng kan tahen Myanmar. Wa Sherman n’hanh ntoh măt Chính phủ Thống nhất Ngih dak Myanmar lĕ tâm nchră mpeh ăp nău nsrôih gay ndơ̆ Myanmar plơ̆ tay trong hăn ƀon lan ƀư tơm, geh n’ăp nău Mỹ kơl tay ntrong leo kơl ƀon lan ƀư tơm.

Nŭih rblang: Y Sưng Phê Ja