VOV4.M'nông:  Kêng măng 11/6 ta Nhih pah kan Chính phủ, ƀư tơm rơh hop pơk sŏng dăng đah Rnâng kan Ƀan rđău đă gưl neh dak mpeh njrăng n'gang nuh srê covid-19 đah du đêt n'gor, nkual ƀon têh geh ăp Nkual công nghiệp, tâm pă nău tă ơm gĭt kan njrăng n'gang nuh srê tâm nhih máy, xí nghiệp têh, Groi Thủ tướng Vũ Đức Đam, Kruanh ƀan rđău đă nkah, ăp n'gor nsrôih mô an nuh srê lăp; lah geh nuĭh ntưp njrăng n'gang nuh srê covid-19 tâm nkual công nghiệp ri ân dơi gĭt năl tâm 3 nar bôk năp.

Ta rơh hop, kruanh rđău kan ăp n'gor Bắc Ninh, Bắc Giang, Hà Nội, Bình Dương, Long An, Tây Ninh, Bà Rịa Vũng Tàu n'hanh nkual ƀon têh Hồ Chí Minh mpơl nău klach rvê mpeh nău tât lăp bah njrăng n'gang nuh srê covid-19 tâm ăp nhih máy, xí nghiệp têh tâm ăp nkual công nghiệp. Ta năp nău ngăn geh rơh nuh srê tât tâl 4 nchroh mbra năl geh tay ăp nuĭh ji mhe tă bah âk nuĭh hŏ ơm ntưp rŭ bah năp nê nơh. Rnâng kan Ƀan rđău đă gưl neh dak đă ăp n'gor mô dơi thơ tha, uănh lhơ, ân way hăn ôp uănh, groi nđôi tĭng ƀư ăp trong njrăng n'gang nuh srê, nchâp đă dŏng 5K, lơn lah wăn bok put mbung rnôk hăn luh bah dih jay, lơi ir rgum âk nuĭh./.

Nuĭh rblang: Điểu Thân