VOV4.M’nông: Ntŭk kan Chính phủ mpeh geh đă nau mbơh bah Groi Thủ tướng Chính phủ lê Văn Thành mpeh nau pơk trong nơih ân nau kan nchuăn rdeng ndơ tâm rnôk srê Covid-19. Tĭng nê, Groi Thủ tướng Chính phủ Lê Văn Thành rđau: mô ân mêt uănh tâm ăp ntŭk nkân njrăng srê đah ndeh geh săm ƀŭt kơp dơn QR code hôm nar ân kan yor N’gâng kan gung trong nchuăn rdeng pă gay ma rdeng ndoh ndơ kơl an nau ndâk nkra, ê nkra, tăch rgâl, tăch luh, leo dŏng (knŭng ăp ntil ndơ mô ân tâm nau kan ê nkra, tăch rgâl tĭng nau ntrŭnh) tâm ăp trong hăn, trong bah nkuăl, bah n’gor tâm lam dak. Lah ndeh mô geh săm ƀŭt năl QR Code mô lah geh yơn lah lôch nar dŏng ri ân ƀư nau mêt uănh nau kan mbơh dak si ndrel pă săm ƀŭt kơp dơn nau tă geh xét nghiệm SARS-Cov2 đah nŭih tâm ndeh. Tâm nkuăl geh srê, ăp nkuăl nchrăp geh nau kan pă trong, ƀư pă trong tâm di gay ma n’huch ngăn ndeh lăp tâm nkuăl têh gay ma njrăng, rdâng srê yơn ân geh đăp mpăn nau kan nchuăn rdeng, pa ưndoh ndơ tâm nkuăl./.

Nŭih rblang: H’Thi