VOV4.M’nông – Groi Thủ tướng Lê Văn Thành mhe hăn uănh ta ntŭk rdâk ƀư ngih măy Thủy điện Hòa Bình pơk hvi tâm rnôk nkual geh khuch bah mih jŏ âk nar bah năp. Jêh hăn uănh na nê̆ ta ntŭk, Groi Thủ tướng Lê Văn Thành n’hanh Mpôl pah kan lĕ geh rơh pah kan đah kruanh ăp n’gâng kan, nău kan, n’gor Hòa Bình, Tập đoàn Điện lực Việt Nam.

Groi Thủ tướng Lê Văn Thành djiăt nuĭh ntuh kơl mbơh ngăch nău ƀư.

Ntoh ngơi n’glôn jêh rơh pah kan, Groi Thủ tướng Lê Văn Thành an lah, nău pĭch rlâm yor âk nkô̆ nău kơt mih têh jŏ jong, yor nkô̆ nău ơm n’hanh du gâl yor geh khuch tâm rnôk ƀư nău nchrăp kan. Groi Thủ tướng đă an đăp mpăn ntŭk thủy điện Hòa Bình, ngăn lah dak bât thủy điện Hòa Bình; mât uĕh ntŭk ntô, ndơ ƀư, đăp mpăn an ăp ndơ ƀư tâm nkual, lơn lah Rup ndah Wa Hồ. Tâm rnôk ƀư, an đăp mpăn lĕ rngôch an phung pah kan.

Nuĭh rblang: Y Sưng Phê Ja