VOV4.M’nông: Kêng măng 27/7, ta Hà Nội, Uỷ viên Bộ chính trị, Groi Thủ tướng Phạm Bình Minh râng rơh rƀŭn gưl prêh ân Rơh rƀŭn nchră tât ntrong kan ndơ sa năm 2021 (UNFSS) ndrel geh nau ntoh ngơi ta nar tâm nchră nsum. Rơh rƀŭn nchră nkô̆ nau joi luh nau kan mhe gay ma kơl an ntrong kan ndơ ngêt sa, ntrŭt dăng nau kan leo geh nau rgâl mhe đah nau tâm boh kan bah ăp tơm ntuh kơl, rgum dơi ăp nau ntuh kơl nsum ndrel ntuh kơl êng gay ma leo ntrong kan ntrơn rgâl aơ. Rơh rƀŭn nchră lor mpeh ntrong kan ndơ sa lam ntur neh hŏ ntơm geh ƀư ta ntŭk kan ndơ sa ndrel tuch tăm Liên hợp quốc (FAO) tâm thủ đô Roma, Italia tĭng nau ƀư trực tuyến. Geh tâm 3 nar ntơm lơ 26-28/7, nau kan aơ nchrăp ân rơh rƀŭn gưl prêh, nchrăp geh ƀư ta ntŭk kan bah Liên hợp quốc ta New York, Mỹ tâm khay 9 tât./.

Nŭih rblang: H’Thi