VOV4.M’nông – Groi Thủ tướng Phạm Bình Minh mhe geh nar wơt Kruanh N’gâng kan tâm rnglăp nchră nău Singapore Vivian Balakrisnan. Groi Thủ tướng Phạm Bình Minh mĭn lah tâm boh kan ndrel Việt Nam-Singapore dôl hun hao dŭt uĕh n’hanh săk rnglăy.

Groi Thủ tướng Phạm Bình Minh wơt Kruanh n’gâng kan tâm rnglăp nchră Singapore Vivian Balakrisnan

Groi Thủ tướng rnê rhơn 2 ding ơm ndâk njêng, ƀư rƀŭn 2 rmôt pah kan mpeh rdâng srê Covid-19, hăn tât tâm ton kơp dơn nsum mpeh sam ƀŭt kơp dơn vaccine n’hanh kan ndrel wăng sa mrô gay nta an n’hâm soan rdâk hao tay n’hanh hun hao wăng sa tâm di đah rnôk mhe. Ta nar wơt đŏng, Groi Thủ tướng Phạm Bình Minh đă Singapore tâm rgop nău mĭn êng nơm tâm ăp nău nkual n’hanh lam ntŭr neh ndrel uănh, tâm nĕ geh nău Biển Đông, đăp mpăn mât uĕh nuih n’hâm tâm rnglăp n’hanh nău khlay bah ASEAN.

Nŭih rblang: Y Sưng Phê Ja