VOV4.M’nông: Groi Thủ tướng Rnâng kan Chính phủ Trương Hoà Bình ndrel mpôl pah kan bah Chính phủ hŏ tât hăn ôp uănh pah kan njrăng, n'gang nuh srê Covid-19 ta n'gor Đồng Tháp. Lah ta rơh pah kan, Groi Thủ tướng Rnâng kan Trương Hoà Bình njrăng đă Đồng Tháp geh trong n'har bri đah Campuchia, mpet jâk mpeh lăp gŭ mô geh nău way n'hanh geh ma nău ntưp rêng tơm nău  ji tâm dak lah dŭt âk.

Groi Thủ tướng đă n'gor Đồng Tháp rgum tĭng ƀư nău rđău đă bah Ban Bí thư, Thủ tướng Chính phủ, trong nkra dơi 5K + vaccine, nkoch trêng n'hao nău gĭt êng bah nuĭh ƀon lan, nkra lhăt ăp nuĭh tih njrăng, n'gang nuh srê, lơn lah luh lăp mô geh nău way. Mô dơi thơ tha, uănh lhơ, roh nău njrăng tâm pah kan njrăng, n'gang nuh srê, an ƀư dŭt lhăt jăp ăp trong nkra njrăng, n'gang nuh srê, lơn lah ăp nar rlu lễ 30/4- 1/5 tâm ban kơt nchrăp rơh bầu cử bơi tât./.

Nuĭh rblang: Điểu Thân