VOV4.M’nông: Groi Thủ tướng Rnâng kan Chính phủ Trương Hoà Bình mêt uănh ndrel pah kan đah N’gâng kan ăp Quận Gò Vấp ndrel Bình Thạnh bah nkuăl ƀon têh Hồ Chí Minh mpeh nau njrăng, rdâng srê tâm nkuăl. Tâm ăp nar pah kan đah Quận Gò Vấp ndrel Bình Thạnh, Groi Thủ tướng đă ăp Quận ân geh nau nchrăp ndoh ndơ ân đăp mpăn nau 4 ta ntŭk rnôk geh srê tât jêr. N’hao nau kan mât tâm nkuăl, lŏ ntrŭt dăng nau kan nkoch trêng tât ƀon lan, ngăn lah đah ăp ntŭk kan ê nkra, ăp nkuăl ntŭk gŭ bah công nhân, nŭih ƀư nau kan tăch rgâl jê̆ ƀư ueh nau đă 5K. Groi Thủ tướng Rnâng kan nkah đă ăp nkuăl ân ƀư ueh nau kan tâm rgop ntrŭnh ƀư, ngăn lah nkah ăp nkuăl ân ƀư ueh nau n’hao nau kơl an njrăng, rdâng srê. Tĭng wa, bol ma rmôt kan mât njrăng rdâng srê tă bah ntŭk tât mô lah mrôt tâm ntŭk ri ân Quân ân geh nchrăp mât njrăng rjăp, tâm ban, đăp mpăn mô ân geh nau khuch, lơh nau jêr ân ƀon lan./.

Nŭih rblang: H’Thi