VOV4.M’nông – Ntoh ngơi ta rơh rƀŭn pơk sŏng dăng Ban ntĭm rđău njrăng n’gang srê Covid-19 nkual ƀon têh HCM nar 2/7, Groi Thủ tướng rnâng kan Trương Hòa Bình đă nkual ƀon têh HCM kơp uănh tay ăp kôp rnoh ndơ ƀư đăp mpăn njrăng n’gang srê ta lĕ rngôch ăp nău kan, nkual, ntŭk gay joi n’hanh ƀư tam tâm nu nău mhe, nsrôih tât dŭt khay 7/2021, srê n’hŭch na nê̆, n’hŭch hô n’hanh tât khay 8/2021 dơi nking n’gang srê. Tĭng Goi thủ tướng Trương Hòa Bình, ăp quận-nkuăl ta nkual ƀon têh uănh tĭnh nu nău srê ta tĭng ntŭk mât uănh gay ƀĭt joet trong tâm ƀah kon nuĭh tâm di; dơi kơt dŏng ntĭm đă 10 bah UBND nkual ƀon têh HCM mô lah đă kơt tĭng ntĭm đă 16 bah Thủ tướng chính phủ lah saơ ŭch ngăn. Rlău mĕ, an mât uĕh nău kan bah Ban ntĭm rđău njrăng n’gang srê Covid-19 ăp quận-nkuăl, Rmôt covid-19 nsum mpôl tă bah nău ƀư uănh nđôi n’hanh rmal ăp nuĭh tih nău ntrŭnh njrăng n’gang srê bah nkual ƀon têh.

Nŭih rblang: Y Sưng Phê Ja