VOV4.Mnông – Jêh rnôk ntrŭnh an tâm ƀah kon nuĭh lam nkual ƀon têh Hồ Chí Minh tĭnh ntĭm đă 15 n’hanh nkual quận Gò Vấp, phường Thạnh Lộc bah quận 12 tĭng ntĭm đă 16 bah Thủ tướng Chính phủ, ôi 31/5, Groi Thủ tướng rnâng kan Trương Hòa Bình lĕ hăn uănh nđôi trong kan njrăng n’gang srê Covid-19 ta lam nkual ƀon têh. Groi Thủ tướng Trương Hòa Bình lĕ hăn uănh nđôi trong kan njrăng n’gang srê ta 3 công ty ta Nkual chế xuất Tân Thuận (quận 7) geh:

Groi Thủ tướng Trương Hòa Bình tâm nchră đah phung pah kan

Công ty TNHH MTex Việt Nam, Công ty TNHH Kim May Organ Việt Nam n’hanh Công ty TNHH Nikkiso Việt Nam. Jêh rnôk uănh nđôi ngăn ta 3 doanh nghiệp tâm nkual chế xuất Tân Thuận, Groi Thủ tướng ndrel mpôl kan uănh nđôi tay njrăng n’gang srê ta nkual nkhah êng Ký túc xá Đại học Quốc gia nkual ƀon têh Hồ Chí Minh. Aơ lah ngoay tâm âk ký túc xá têh ngăn bah ăp ngih sam ƀŭt đại học, cao đẳng ta lam nkual dơi UBND nkual ƀon têh Hồ Chí Minh dŏng gay ndâk ƀư ăp nkual nkhah êng nchrăp an ăp nuĭh tâm mâp êp đah nuĭh ntưp kaman Sars-CoV-2.

Nuĭh rblang: Y Sưng Phê Ja