VOV4.M’nông: Ôi 12/7, ta Nhih pah kan Chính phủ, Groi Thủ tướng Vũ Đức Đam, Kruanh Ƀan rđău đă gưl neh dak njrăng, n'gang nuh srê Covid-19 ƀư tơm rơh hop jao ban pơk sŏng dăng đah kruanh rđău kan nkual ƀon têh Hồ Chí Minh mpeh pah kan njrăng, n'gang nuh srê tâm nô nău aƀaơ. Ta rơh hop jao ban, Groi Thủ tướng Vũ Đức Đam lah rjăp: tât aƀaơ, ăp nkual an gŭ rgum êng hŏ an ƀư 70% nău dơi kan. Jêng, nkual ƀon têh Hồ Chí Minh kan nsum đah Bộ Y tế ndăn mĭn uănh an gŭ êng ta jay. Groi Thủ tướng jao an Bộ Y tế mĭn uănh n'hanh gŭ mĭn tay ăp quy định mpeh an gŭ êng ta jay tâm di đah nô nău ngăn geh ta ntŭk. Groi Thủ tướng njrăng đă nkual ƀon têh uănh khlay mha êng tât nuĭh ach o, nuĭh geh nău rêh jêr jŏt. Tĭng nê, rlău ma ăp trong nkra bah n'gâng kan ta ntŭk dôl an ƀư ri nhih pah kan mặt trận tổ quốc Việt Nam ăp gưl ân ôp kuăl ăp doanh nghiệp n'hanh nuĭh ƀon lan ndrel ntop kơl ăp nuĭh dja./.

Nuĭh rblang: Điểu Thân