VOV4.M'nông: Ta rơh hop pơk sŏng dăng đah 2 n'gor Bắc Ninh n'hanh Bắc Giang kêng măng ntri (7/6), Groi Thủ tướng Vũ Đức Đam, kruanh ƀan rđău đă gưl neh dak đă n'gor Bắc Ninh njrăng uănh đah tơm nuh srê mhe ta Công ty AAC. Ta n'gor Bắc Ninh, geh 3 ntŭk hôm ntoh luh nuĭh ntưp mhe Covid-19, nê lah nkuâl Thuận Thành, nkuâl Quế Võ n'hanh nkual ƀon têh Bắc Ninh. Ta năp nău, nkuâl Thuận Thành nchrăp geh 58 thôn mbra rgâl mpă wêl jêng an gŭ srang ngai êng lam rêh jêng kon nuĭh, Groi Thủ tướng Vũ Đức Đam njrăng đă n'gor mô dơi uănh lhơ, thơ tha. Tât aƀaơ, n'gor Bắc Giang, lor bôk năp hŏ rdêl dơi tơm ntưp rêng rnôk 5.800 ntil mham uănh năl tâm lam ƀon lan ta nkuâl Việt Yên mô mpơl ntưp. Groi Thủ tướng Vũ Đức Đam lah rjăp, nău mât uănh lhăt tâm nkual an gŭ rgum êng, nkual mpă wêl n'hanh an gŭ srang ngai êng lam rêh jêng kon nuĭh lah dŭt khlay, ntŭk i gưl ủy, n'gâng kan ta ntŭk ƀư jăp quy định njrăng n'gang nuh srê, mpư n'hao nuih n'hâm dơn kan ri ntŭk nê đăp mpăn mô lah ơm ntrôl rŭch bah nuh srê./.

Nuĭh rblang: Điểu Thân