VOV4.M'nông: Kêng măng 2/8, ta Nhih pah kan Chính phủ, Groi Thủ tướng Vũ Đức Đam, Kruanh Ƀan rđău đă gưl neh dak njrăng, n'gang  nuh srê COVID-19 ƀư tơm rơh hop pơk sŏng dăng đah kruanh rđău kan nkual ƀon têh Hồ Chí Minh gay an ƀư ăp trong njrăng, n'gang nuh srê COVID-19. Nău mbơh ta rơh hop, Kruanh UBND nkual ƀon têh Hồ Chí Minh Nguyễn Thành Phong an gĭt Nkual ƀon têh mbra êt lhăt tĭng ƀư nău ntrŭnh mbrô 16 bah Thủ tướng chính phủ tĭng trong rƀŏng “kloh- lhăt jăp- geh nău tam", đăp mpăn tĭng ƀư ăp kôp ta nkual ƀon têh, quy định kloh 7 rmôt nuĭh dơi hăn luh bah dih trong ntơm bah 6h măng tât 6h ôi. Ta rơh hop, Groi Thủ tướng Vũ Đức Đam đă Bộ Y tế pă an tay vaccine an nkual ƀon têh Hồ Chí Minh gay mô bah tăch pruăt rêng ƀư chuh n'gang. Groi Thủ tướng Vũ Đức Đam dăn đă nkual ƀon têh Hồ Chí Minh geh ăp trong nkra dăng, lĕ n'hâm suan lơn gay mât nâp nkual đăp mpăn, rgâl ngăch jêng nkual geh ma nău ntưp jêng nkual đăp mpăn lĕ rngôch ta ăp quận, nkuâl. Ƀan rđău đă lah rjăp nău chuh vaccine lah nău dơi n'hanh nău dơn kan bah ăp nuĭh đah n'hâm suan săk nơm n'hanh nsum mpôl lam ƀon lan./.

Nuĭh rblang: Điểu Thân