VOV4.M’nông: Ôi lơ 20/7, Groi Thủ tướng Vũ Đức Đam leo bôk rmôt kan Trung ương khâl, pah kan ndrel mêt uănh nau kan njrăng, rdâng srê Covid-19 ta Bình Dương. Ntuưk bôk năp bah rmôt kan tât uănh lah Công ty TNHH Yazaki EDS Việt Nam tâm nkuăl ƀon têh Dĩ An. Công ty dôl ƀư nau kan “3 ta ntŭk” (sa-bĭch-pah kan tâm Ngih máy) ân bơi tât 400 công nhân gay ma đăp mpăn nau kan ê nkra ndrel njrăng rdâng srê Covid-19. Bah nau kan mêt uănh nau njrăng uănh nau kan tâm ntŭk kan, Groi Thủ tướng đă ăp công ty tâm n’gor Bình Dương rnôk ntrŭnh nau kan “3 ta ntŭk” ân geh mbơh nau mpeh cônh nhân ân n’gâng kan gay ma nơih ndrel ngăch tâm nau kan mêt uănh lah ntŭk kan nê geh nŭih ntưp. Kêng măng, Groi Thủ tướng Vũ Đức Đam ndrel rmôt hăn kan bah Trung ương rƀŭn đah rđau kan n’gor Bình Dương mpeh nau njrăng rdâng srê./.

Nŭih rblang: H’Thi