VOV4.M’nông: Nau kan ndal ân geh nchuăt rlong ma mông, ma mnĭt gay ma njrăng rdâng srê. Phung he ân geh roh hoach mpeh văng sa, ƀon lan hŏ roh nau ueh bah nơm, gay geh nau jêr tâm ăp khay rdâng srê gay ma dơi rlau. Lah nơm ƀư ân nơih, mra khuch khat hô ngăn. Nê lah nau ntrŭnh bah Groi Thủ tướng Vũ Đức Đam, Kruanh Rnâng kan rđau nau kan mpeh neh dak njrăng rdâng srê Covid-19 tâm nar mêt uănh nau kan njrăng, rdâng srê ân nŭih ntưp Covid-19 tâm Ngih dak si Quân y 175 (N’gâng kan neh dak) tâm lơ 27/7. Ta nar pah kan, Thiếu tướng Nguyễn Hồng Sơn, Giám đốc Ngih dak si Quân y 175 đă ân ngih dak si ndâk ăp nau kan săm ji srê Covid-19 tâm ăp gưl kan têh lơn, nau nchrăp njrăng rnoh nŭih hao âk. Ngih dak si kŏ đă Nkuăl ƀon têh Hồ Chí Minh kơl an ndoh ndơ dak si, ntop tay ân ngih dak si vắc xin njrăng srê Covid-19…Groi Thủ tướng Vũ Đức Đam đă nkuăl ƀon têh Hồ Chí Minh rgum tơm gay ma săm ân nŭih ji srê Covid-19, nkô̆ nau prêh ngăn lah n’huch khĭt nŭih. Pơh rlau aơ, rnoh nŭih ntưp ăp nar tâm nkuăl hhom têh Hồ Chí Minh hôm rlau 4000 nŭih, âk lơn tâm lam dak./.

Nŭih rblang: H’Thi