VOV4.M’nông: “Tây Ninh n’hao nau săch ƀư ăp nkuăl geh nau kan tât, ngăch njêng tay ăp nkuăl ndrih nâp ueh, gay ƀon lan ơm plŏ đah nau rêh đăp mpăn mhe”. Aơ lah nau đă bah Groi Thủ tướng Vũ Đức Đam, Kruanh Rnâng kan rđau nau kan neh dak mpeh nau njrăng rdâng srê Covid-19 tâm nar pah kan đah n’gor Tây Ninh mpeh nau kan njrăng rdâng srê rnôk aơ. Ntơm rnôk geh srê Covid-19 tât rnôk aơ, n’gor kơp dơn geh 3.296 nŭih ntưp srê Covid-19. Rnôk aơ, n’gor geh 2 nkuăl mra ntưp âk lah Trảng Bàng ndrel nkuăl Dương Minh Châu. Ndăn nar dôl geh tâm nkhah srang tĭng nau ntrŭnh mrô 16, n’gor rgum joi, săch đah nuih n’hâm pơk hvi nkuăl geh nâp ueh, joi xét nghiệm âk ntŭk, nkân njrăng mô ân ntưp rêng nkuăl êng. Rnôk aơ Tây Ninh nchrăp ndâk nau kan săm ntơm 5000 tât 10 rbăn nŭih ntưp geh nau săm rgum tâm di. Tâm nê, ndâk 5 ngih dak si leo dŏng ntrơn./.

Nŭih rblang: H’Thi