VOV4.M’nông: Kêng măng 20/7, Groi Thủ tướng Vũ Đức Đam, Kruanh Rnâng kan rđau nau kan neh dak mpeh nau njrăng, rdâng srê Covid-19 pah kan đah rđau kan Nkuăl ƀon têh Hồ Chí Minh mpeh nau kan njrăng rdâng srê ndrel chuh vắc xin. Tĭng Groi Thủ tướng, Chính phủ ndrel Rnâng kan rđau nau kan neh dak mpeh nau njrăng, rdâng srê Covid-19, ngăn lah Thủ tướng Chính phủ uănh rjăp ngăn tât nau geh bah srê ta nkuăl ƀon têh Hồ Chí Minh.

Rđil ma Bắc Giang, nkuăl ƀon têh Hồ Chí Minh geh âk nau êng ngăn mpeh nau văng sa, rêh jêng, ndri ma Chính phủ mra pă ăp nau jêr ndrel nau khuch bah ƀon lan nkuăl ƀon têh. Groi Thủ tướng lah rjăp, nau tâm nkhah ri ân geh ƀư rjăp, bol ma âk ntŭk geh nkhah jêr yơn ân geh rjăp. N’gâng kan mra kơl an ngăn mpeh ndơ dŏng ân nkuăl ƀon têh Hồ Chí Minh, yơn lah, bah nau đă bah nkuăl ƀon têh đah 18 nau kan âk ntil ndơ jêr rvăt, ndri ma ân geh ndăn ăp ntil ndơ dôl geh ndrel nsôigh n’huch nŭih F0 mô ân jêng jâk./.

Nŭih rblang: H’Thi