VOV4.M’nông – Kêng măng 28/6, ta Ngih pah kan Chính phủ, Groi Thủ tướng Vũ Đức Đam, Kruanh Ban ntĭm rđău Ngih dak mpeh njrăng n’gang srê Covid-19 lĕ rƀŭn pơk sŏng dăng đah 5 n’gor: Quảng Ngãi, Bình Thuận, Khánh Hòa, Bình Định, Phú Yên mpeh trong kan njrăng n’gang srê. Aƀaơ, ăp ntŭk ndăn n’hao dŭt n’hâm săm, uănh năl mham, n’hao rnoh ăp nkual nkhah êng rgum tĭng nuih n’hâm “Lĕ n’ăp trong chính trị lăp, nsrôih nking n’gang tâm rnôk đêt nar ngăn”. Groi Thủ tướng Vũ Đức Đam an lah nău ƀư rgâl nău mbơh mpeh ăp F0, F1, F2 đah ăp ntŭk dôl mbrơi. Klăch geh srê bah ăp n’gor dôl dŭt têh... Groi thủ tướng đă n’ăp mô hŏ geh srê, ăp n’gor an n’hao uănh năl mham nsrôih mât đăp mpăn têh ngăn ăp ngih dak si; mĭn lah ăp nkual geh âk tâm ntŭk gŭ rêh gay uănh năl mham dơi uănh nđôi.

Nŭih rblang: Y Sưng Phê Ja