VOV4.M’nông: Ôi lơ 27/5, ta ntŭk kan Chính phủ, Groi Thủ tướng Vũ Đức Đam, Kruanh Rnâng kan rđau nau kan neh dak mpeh nau njrăng rdâng srê Covid-19 geh rơh rƀŭn trực tuyến đah rđau kan nkuăl ƀon têh Hồ Chí Minh mpeh nau kan njrăng, rdâng srê Covid-19. Kơp tât 10h lơ 27/5, nkuăl ƀon têh Hồ Chí Minh kơp dơn geh nŭih tâm mâp ma nŭih tă ntưp tâm Giáo phái hội thánh truyền giáo Phục Hưng, n’hao rnoh nŭih ntưp hao tât 25 nŭih.

Groi Thủ tướng Vũ Đức Đam, Kruanh Rnâng kan rđau nau kan neh dak mpeh nau njrăng rdâng srê Covid-19 geh rơh rƀŭn trực tuyến đah rđau kan nkuăl ƀon têh Hồ Chí Minh 

  Jêh rnôk saơ srê mhe, ăp rmôt ntơm nkah nŭih. Rnôk aơ, ăp rmôt năl geh 70 nŭih F1 ndrel 336 nŭih F2.  Ta rơh rƀŭn, Groi Thủ tướng Chính phủ Vũ Đức Đam đă nkuăl ƀon têh Hồ Chí Minh nchrăp nau kan njrăng rdâng srê ân tâm di, kơl an nkô̆ nau nchrăp đă, Chính phủ, ăp n’gâng kan, ntŭk kan mra tâm rgop, tâm kơl. Lah rjăp nkuăl ƀon têh Hồ Chí Minh lah trong tơm nau kan tăch rgâl, N’gâng kan gung trong tâm ban nau kan, bah năp măt ăp trong mpăr hăn kơl an nŭih Việt Nam ê geh leo tât nkuăl ƀon têh Hồ Chí Minh./.

Nŭih rblang: H’Thi