VOV4.M’nông: Kêng măng 9/7, ƀư tơm nar rƀŭn trực tuyến đah Rnâng kan rđau kan neh dak đah 2 n’gor Phú Yên ndrel Khánh Hoà, Groi Thủ tướng Vũ Đức Đam, Kruanh rnâng kan rđau nau kan neh dak nkah 2 n’gor aơ ân ƀư ân rjăp ăp nau ntrŭnh njrăng rdâng srê Covid-19 tâm nkuăl geh nchueng ndrel nkhah kon nŭih, tĭng nau kan lăng ma nchueng rdâng, nkhah kon nŭih rgum huêt ueh lơn nau mât ân rjăp lơn nau nchueng n’gang âk ntŭk ma mât mô nâp. Tâm du pơh plŏ ma aơ, rnoh nŭih ntưp tâm n’gor Phú Yên geh nau hao lơn, geh kơp dơn ntơm 30-40 nŭih. Rnôk aơ Phú Yên hŏ ƀư nau nkhah tĭng nau rđau mrô 16 bah lam n’gor. Đah bơi tât 190 nŭih ntưp srê Covid-19 hŏ geh kơp dơn, n’gor Khánh Hoà, nkuăl têh Ninh Hoà ndrel nkuăl Vạn Ninh. Bah năp nau kan 2 n’gor Phú Yên ndrel Khánh Hoà dŏng nau tâm nkhah tĭng kan êng êng, Groi Thủ tướng Vũ Đức Đam nkhah nau khlay rnôk aơ lah nau nchueng rdâng nau tâm nkhah kon nŭih ân geh rjăp nâp./.

Nŭih rblang: H’Thi