Nar 28/7, Groi Thủ tướng Vũ Đức Đam lĕ hăn uănh nđôi trong kan njrăng, n’gang srê Covid-19 ta n’gor Long An. Groi Thủ tướng Vũ Đức Đam n’hanh mpôl pah kan lĕ tât uănh nđôi, khâl n’hanh ntrŭt nsôr, nuih n’hâm bah nsum mpôl cán bộ, nuĭh kan dak si dôl pah kan ta Ngih dak si rdâng săm mrô 2-nkuăl Tân Trụ, Ngih dak si rdâng săm ta Ngih sam ƀŭt Chính trị Long An n’hanh du đêt ngih dak si ta n’gor Long An.

Groi Thủ tướng Vũ Đức Đam uănh nđôi trong kan njrăng, n’gang srê Covid-19 ta Long An

  Tĭng nău mbơh, n’gor Long An geh 16 ntŭk ƀư nău kan nkhah êng, săm ăp nuĭh F0 đah geh dĭng lĕ 5.070 nsưng ji. Gay ngăch uănh nđôi, nking n’gang nu nău srê tâm nar ơm ngăn, kơp bah nar 27/7 Long An đă nuĭh ƀon lan n’hŭch dŭt n’hâm hăn trong. Nar tât, Long An ƀư tĭng rjăp tay, dŭt n’hâm, tŏng ăp trong ƀư tĭng ntĭm đă 16 bah Thủ tướng Chính phủ.

          Nuĭh rblang: Y Sưng Phê Ja