VOV4.M’nông – Văn phòng Tổng thống Hoa Kỳ mhe mbơh Groi Tổng thống Mỹ Kamala Harris mbra khâl Việt Nam n’hanh Singapore tâm khay 8/2021. Rơh khâl gay tâm nchră đah ăp nuĭh kruanh 2 dak mpeh âk nău ndrel uănh mĭn, tâm nĕ geh rnă njrăng nkual, lam ntŭr neh dun tay ta năp chôt srê Covid-19, rgâl trôk nar n’hanh ăp nău nsrôih nsum gay ntrôl đăp mpăn  lam ntŭr neh tĭng tâm luật pháp.

Groi Tổng thống Mỹ Kamala Harris

Rơh khâl mbra rgop n’hao tâm boh n’hanh pơk hvi kan ndrel wăng sa đah 2 dak kan ndrel têh khlay bah Mỹ ta nkual Ấn Độ Dương-Thái Bình Dương. Rơh khâl Việt Nam bah Kruanh n’gâng kan Lloyd Austin lĕ rgop n’hao tâm boh dăch dêh, nsing nơm đah nuĭh ƀon lan n’hanh tahen 2 dak, mbơh ƀư ăp nkô̆ nău kan ndrel tâm nău kan mât njrăng bri dak lĕ ký đah 2 n’gâng kan mât njrăng bri dak n’hanh tâm ton bah kruanh gưl prêh 2 dak, rgop lăp tâm rnôk kan ndrel lĕ rngôch Việt Nam-Mỹ.

Nuĭh rblang: Y Sưng Phê Ja