VOV4.M’nông: Rơh khâl bah Tổng thống Mỹ Kamala Harris mra tât Đông Nam Á ntơm lơ 22-26/8 geh ân lah nau ueh ân N’gâng kan Tổng thống Biden rgum plŏ tay nau kan lah rjăp nau geh tâm nkuăl. Tĭng Reuters, Groi Tổng thống Mỹ Harrí nchrăp tâm ta Sin-ga-por tâm nar pơh, lơ 22/8, jêh nê tât Việt Nam tâm lơ 24/8 ndrel sĭt dak aơ tâm lơ 26/8. Rơh khâl aơ lah nau kan tơm ngăn bah âk dak geh tâm nchră nau ma nkuăl, lah rjăp nau rgâl mhe tâm nau kơl an bah Mỹ, rgâl tă bah nau tơm njrăng rdâng phung rlăng tât nau kan nsôih njrăng rdâng nau tât lơh bah phung nŏng êng tâm nkuăl. Wa Harris tĭng nau nchrăp mra geh nau ntoh ngơi ta Sin-ga-por tĭng nau mbơh mpeh nau rƀŏng kan bah Mỹ đah Ấn Độ Dương-Thái Bình Dương ndrel nchrăp râng nar ndâk ntŭk kan bah Nau nkân ndrel njrăng rdâng srê (CDC) Mỹ tâm nkuăl Đông Nam Á ta Hà Nội./.

Nŭih rblang: H’Thi