VOV4.M'nông: Groi Tổng thống Mỹ Kamala Harris hŏ lah rjăp uănh khlay tâm boh đah Đông Nam Á n'hanh nkual Ấn Độ Dương- Thái Bình Dương tâm rơh mâp đah Thủ tướng Singapore Lý Hiển Long. Aơ lah njăr trong rlu jâng bôk năp bah wa Kamala Harris tâm trong hăn khâl jong 5 nar tât châu Á gay ntrŭt ntrôl tâm boh bah Mỹ đah ASEAN, njuăl nău mbơh gĭt lor mpeh "plơ̆ tay" bah dak Mỹ ta rơh Tổng thống Joe Biden. Ta rơh hop báo nsum đah Thủ tướng Singapore Lý Hiển Long, groi Tổng thống Kamala Harris du tơ̆ tay đŏng lah rjăp nău ton bah Mỹ ntrŭt ntrôl tâm boh đah ăp dak băl đah băl tâm boh ta nkual. Tâm rnôk hăn khâl, bar ding hŏ ký 3 si ƀŭt nchih nkah mpeh njrăng n'gang neh dak, pơk hvi tâm boh mpeh rnă njrăng n'gang, rdâng lơh rgâl duh nđik trôk nar n'hanh prăk kaih, nkre tâm nchră tay mpeh trong kan ndeh păr kalơ trôk, rdâng lơh đah nuh srê COVID-19, mô lah hŭch đêt ăp nkô̆ nău mpeh rêng pă an ndơ./.

Nuĭh rblang: Điểu Thân