VOV4.M’nông: Jêh geh nau dơi bah rơh rƀŭn “Tâm nchră nau doh rklaih nau jêr đah ăp ntŭk kan tăch rgâl geh tơm prăk ntuh kơl dak ba dih”, ôi lơ 6/11, nkuăl ƀon têh Hà Nội lŏ ƀư rơh rƀŭn “Nchră nau doh rklaih nau jêr đah ăp ntŭk kan tăch rgâl tâm nkuăl tâm rnôk geh srê Covid-19”. Rơh tâm nchră geh nau râng bah 150 ntoh măt-lah ntoh măt du du đê̆ ntŭk kan rtăch rgâl dôl ƀư kan tâm nkuăl ƀon têh Hà Nội; rmôt kan tăch rgâlm nau ƀư kan dôl geh ƀư nau kan tâm nkuăl ƀon têh Hà Nội. Rơh rƀŭn lah rnôk gay rđau kan nkuăl ƀon têh Hà Nội djăt nau đă bah nsum mpôl ntŭk kan tăch rgâl, tă bah nê geh ăp nau kan năn doh rklaih nau jêr tâm rnôk pah kan, tăch rgâl geh nau khuch tă bah srê Covid-19. Mhe aơ, UBND nkuăl ƀon têh Hà Nội kŏ ntrŭnh nau ndâk tay ndrel hun hao văng sa ân đăp mpăn, nâp ueh, nkân njrăng srê Covid-19 ân tam tâm 3 khay dŭt năm 2021 ndrel ăp năm 2022-2023./.

Nŭih rblang: H’Thi