VOV4.M'nông: Lôch geh nău dơi bah tâm nchră "Tâm dâl nău droh rklaih jêr jŏt đah ăp doanh nghiệp geh tơm prăk ntuh kơl dak bah dih", ôi 6/11, nkual ƀon têh Hà Nội ƀư tay tâm nchră "Tâm dâl nău droh rklaih jêr jŏt đah ăp doanh nghiệp ta nkual tâm rnôk nuh srê Covid-19". Tâm nchră geh nău tât râng bah 150 nuĭh ntơh măt- lah ntơh măt du đêt n'gâng kan, Trung ương; kruanh rđău kan nkual ƀon têh Hà Nội; Hiệp hội doanh nghiệp, n'gâng kan, doanh nghiệp dôl gŭ kan ta nkual ƀon têh. Tâm nchră lah rnôk gay kruanh rđău kan nkual ƀon têh Hà Nội djăt ăp nău dăn đă bah mpôl doanh nghiệp, ntơm bah nê geh ăp trong nkra droh rklaih jêr jŏt tâm nău kan ƀư njêng, tăch rgâl geh tât khuch hô tă bah nuh srê Covid-19. Mhe aơ, UBND nkual ƀon têh Hà Nội hŏ an dŏng trong nchrăp mpeh dâk hao tay n'hanh hun hao wăng sa bên di đăp mpăn, ngăch ngăr, mât kân geh nău tam nuh srê Covid-19 tâm Quý IV/2021 n'hanh ăp năm 2022, 2023./.

Nuĭh rblang: Điểu Thân