VOV4.M’nông – Jêh rnôk nkual ƀon têh Hà Nội pơk lhoi du đêt ntil tăch rgâl kơt nău ƀư pâl thể thao bah dih, mô đêt nuĭh ƀon lan, ntŭk tơm lĕ geh nău mĭn thơ tha, geh âk nău ntoh srê. Ta năp nu nău aơ, nkual ƀon têh Hà Nội đă ăp ntŭk nkra rgâl dâl, nkre rmal rjăp ăp nuĭh tih. Uănh nđôi nău tĭng ăp nău ntrŭnh bah nkual ƀon têh mpeh njrăng, n’gang srê ta du đêt quận nkuăl, wa Chữ Xuân Dũng, Groi Kruanh UBND nkual ƀon têh Hà Nội an gĭt, hôm e nu nău nuĭh ƀon lan thơ tha, geh ntŭk hôm e uănh mô khlay ăp nău ntrŭnh njrăng n’gang srê; mô tŏng srang tâm ƀah, rnôk ntĭl mpông ntŭk tăch ndơ mô tĭng rjăp. Kruanh UBND nkual ƀon têh Hà Nội đă rmôt Công an, Kruanh UBND ăp quận, nkuăl, ntĭm rđău ăp rmôt n’hao uănh nđôi, rhăt jăp kỷ luật, kỷ cương; rmal rjăp ăp nuĭh tih.

Nuĭh rblang: Y Sưng Phê Ja