VOV4.M'nông:  Ôi aơ (12/06), rlău 93.000 kon se nti ta Hà Nội râng rơh thi lăp jrô 10 THPT nhih nti ngih dak 2021-2022 đah 2 môn thi lah Ngữ văn n'hanh Ngoại ngữ. Ôi tay (13/6) nuĭh râng thi mbra thi tay 2 môn hôm ƀa ƀă lah Toán n'hanh Lịch sử. Gay đăp mpăn n'hanh njrăng n'gang ngai nuh srê nuĭh tât râng thi, Groi kruanh UBND nkual ƀon têh Hà Nội Chử Xuân Dũng, Kruanh Ƀan rđău đă, sơch lăp nti nkual ƀon têh Hà Nội năm nti 2021-2022 đă ăp ntŭk ƀư thi tâm pă cán bộ ƀư pah kan uănh thi ân tât ơm lơn gay wơt nuĭh thi; nkre dăn đă 184 ntŭk thi lôch rnôk dŭt jêh rơh thi ân puh nkhĭt kaman lĕ rngôch jrô thi, jâng gung nhih nti. Gay đăp mpăn rơh thi ƀư răp jăp, di nău way, Sở Giáo dục n'hanh Đào tạo Hà Nội hŏ rgum 500 cán bộ hăn treng nđôi gŭ kâp ta 184 ntŭk thi n'hanh njêng ăp mpôl hăn groi nđôi gay hăn tât ntŭk thi, ôp uănh tâm rnôk leo ƀư thi./.

Nuĭh rblang: Điểu Thân