VOV4.M’nông – Jêh nău nkhĭt ntŭng tổng thống Jovenel Moise, Chính phủ manh kan Haiti lĕ an mbơh nu nău mât uănh ta lam dak, nkre kuăl jă lam ntŭr neh ntop kơl uănh nđôi. Hội đồng bảo an Liên hợp quốc lĕ rƀŭn ndal tâm nar nđaơ (8/7) mpeh nu nău ta dak Caribe aơ. Nău Tổng thống Jovenel Moise geh nkhĭt ntŭng ƀư hao klach rvê rwăch nău roh đăp mpăn ta dak ach o ngăn Caribe ƀa ƀơ an saơ ăp nău tâm lơh băng đảng n’hanh roh đăp mpăn chính trị aơ. Tĭng Thủ tướng manh kan Claude Joseph, cảnh sát n’hanh tahen dôl uănh nđôi nu nău. Tâm du nău mbơh nsum, 15 dak tâm Hội đồng bảo an Liên hợp quốc phong hô nău nkhĭt ntŭng, nkre kuăl jă lĕ rngôch ăp ding mât njrăng, nkân nkân n’hanh dêr nău ƀư dơi geh rgop ƀư roh đăp mpăn tay.

Nuĭh rblang: Y Sưng Phê Ja