VOV4.M’nông: Ngoại trưởng Hàn Quốc Chung-ơn I-âng (Chung Eui-yong) n'hanh nuĭh ndrel gưl kan Mỹ Antony Blinken hŏ rgum hop nkhêp geh hăn khâl Anh râng Tâm nchră Bộ trưởng Ngoại giao n'hanh hun hao Rmôt 7 dak công nghiệp hun hao (G7), ƀư ta thủ đô Luân đôn, Anh. Ta rơh hop, Ngoại trưởng Mỹ Antony Blinken hŏ nkoch lôch jêh ôp uănh tay lĕ rngôch trong kan Triều Tiên mhe bah Chính phủ Mỹ. Plơng ơh tay, wa Chung Eui-yong mpơl nău rhơn rnê nău n'glêh an mpeh trong kan Triều Tiên tĭng trong rƀŏng ngăn ngăn bah Washington. Ngoại trưởng bar dak tâm ban ŭch tâm boh lhăt gay ƀư bah lĕ rngôch hạt nhân, rdâk njêng đăp mpăn jŏ jong ta gôl dak Triều Tiên. Rlău ma nê, bar ding tâm ban ŭch tâm boh gay ƀư geh nău dơi Tâm nchră gưl têh Hàn-Mỹ tâm nar 21/5 bơi tât, tâm ban kơt nkra ăp nkô̆ nău ntoh luh kơt vaccine COVID-19.

Nuĭh rblang: Điểu Thân