VOV4.M'nông: Hội đồng rnă njrăng neh dak Hàn Quốc (NSC) nar 12/8 hŏ ntrŭt đă Triều Tiên nkân nkân ăp nău kan  ƀư jêng tât rơh duh jêr ta gôl dak. Văn phòng Tổng thống Hàn Quốc an gĭt, rơh hop bah Hội đồng rnă njrăng neh dak tă bah Giám đốc Suh Hoon ƀư tơm, dak dja hŏ rblang ăp nău kan bah Triều Tiên rlăch tay ăp rơh nti tâm lơh nsum Mỹ - Hàn; tâm nê geh nău rlu ơh ăp rơh kuăl bah Hàn Quốc tâm 3 nar aơ ma trong ôp mhe dơi nthoi tay kêng dŭt khay bah năp nơh. Mpôl kruanh rnă njrăng Hàn Quốc lah rjăp nău khlay bah nău mât đăp mpăn n'hanh bah tâm lơh tâm su ta gôl dak Triều Tiên. Bah năp nê, nar 11/8, Triều Tiên hŏ du tơ̆ tay đŏng nduih lah Hàn Quốc n'hanh Mỹ mpeh nău bar dak dja ntrŭt ntrôl ngăch ăp rơh nti tahen nsum, mbơh njrăng lor an lah mbra n'hao dăng lơn đŏng nău dơi njrăng n'gang êng tâm ban kơt rdôl lơh bah dak dja./.

Nuĭh rblang: Điểu Thân