VOV4.M’nông: Tổng thống Hàn Quốc lơ 18/5 mbơh Tổng thống Moon Jae-in mra geh rơh hăn khân 5 nar tât Mỹ tâm pơh aơ gay tâm mâp gưl prêh nchră nau kan bôk năp đah nŭih ndrel gưl kan dak tơm ngih, wa Joe Biden. Tĭng wa Chung Man-ho, Thư ký gưl prêh ntŭk kan Tổng thống Hàn Quốc ƀư nau kan tâm boh ƀon lan, rơh tâm gưl prêh nchrăp geh tâm ntŭk kan Tổng thống tâm lơ 21/5 (mông dak nê), jêh nê 2 rđau kan mra mbơh nau ta rơh rƀŭn mbơh nsum jêh nchră. Wa Chung-man-hô lah rjăp, nau kan bar rđau kan ntrŭnh nau tâm nchră gưl prêh tâm nrôk srê Covid-19 ntoh nau kan khlay bah rmôt tâm boh Hàn-Mỹ. Nau mbơh tâm nchră, 2 ding ŭch ndâk tay n’hâm dăng nsum bah Mỹ-Hàn ndrel n’hao lơn tay nau tâm boh ăp ntil ndrel săk rnglay kŏ kơt lah nau tâm boh đah 2 rđau kan ndrel ƀon lan 2 dak./.

Nŭih rblang: H’Thi