VOV4.M'nông: Hàn Quốc n'hanh Mỹ nar (19/11) ƀư rơh hop tâl 6 "Ủy ban nsum Tâm ton dah rŏng tăch rgâl (FTA) Hàn Quốc-Mỹ" ta thủ đô Seoul, đah nău tât râng bah Chánh Văn phòng tâm nchră tăch rgâl mpeh Bộ Công nghiệp, tăch rgâl n'hanh ndơ mpêt khlay Hàn Quốc n'hanh nuĭh ntơh măt Văn phòng tăch rgâl Mỹ. Hàn Quốc n'hanh Mỹ hŏ tâm ban  ŭch ntrôl dăng tâm boh têh jong tâm ăp trong kan tăch rgâl mhe kơt rêng pă an tơm ndơ tăch, công nghệ, kỹ thuật mbrô, rgâl duh nđik trôk nar. Kruanh bar ding rnê âk Tâm ton dah rŏng tăch rgâl Hàn Quốc- Mỹ hŏ rgop têh tâm nău hun hao tâm boh wăng sa, tăch rgâl bar ding tâm 10 năm aơ. Bar dak hŏ tâm ôp nău rgop mpeh ăp nkô̆ nău uănh khlay nsum kơt si ƀŭt lăp gŭ, si ƀŭt kơp dơn tơm luh, ntŭk tăch rgâl kỹ thuật mbrô, công nghệ mhe tâm trong kan tuch tăm mât rong; tâm ban ŭch mbra tâm nchră lhăt tay ăp nkô̆ nău dja tâm let năp tay./.

Nuĭh rblang: Điểu Thân