VOV4.M’nông – Thủ tướng Hàn Quốc Kim Boo-Kyum nar 9/7 an gĭt, dak aơ mbra n’hao rnoh srang tâm ƀah kon nuĭh ta rnoh âk ngăn ta Thủ đô Seoul n’hanh du đêt nkual kiău ma bah nar 12/7 tât. Nău ntrŭnh aơ dơi an tâm rnôk Hàn Quốc lĕ kơp dơn rnoh nuĭh ntưp Covid-19 mhe tâm nar hao âk ngăn kơp bah rnôk geh srê tât aƀaơ. NKre N’gâng kan dak si Hàn Quốc mbơh đŏng, rnoh nuĭh ntưp mhe mbra dơi hao ta dŭt khay 7 aơ. Tĭng nău ntrŭnh rnoh srang tâm ƀah hô ngăn bah Hàn Quốc, lĕ rngôch ăp nuĭh ƀon lan dơi đă uĕh ngăn an gŭ ta jay lah mô geh nău kan khlay an luh bah dih, lĕ rngôch ăp ngih sam ƀŭt an ntĭl mpông lĕ rngôch, ăp nău mâp ta ntŭk nsum mpôl n’hŭch đêt knŭng an 2 hê bah kơi 6 mông kêng măng, ăp nău ƀư dun rlơn mô lah ăp nău âk nuĭh êng geh mô an.

Nŭih rblang: Y Sưng Phê Ja