VOV4.M’nông: Lơ 5/8, N’gâng kan nchră nau Hàn Quốc mbơh, ta rơh rƀŭn Kruanh N’gâng kan nchră nau gưl prêh Đông Nam Á (EAS), Kruanh n’gâng kan Chung-ơi-dong hŏ nkoch tât nau kan êp aơ tâm gôl dak Triều Tiên, tâm nê geh nau nthoi tay trong tâm mâp ngơi bar ding ntơm lơ 27/7. Ăp dak râng kŏ tâm ban đŏng mpeh nau kan khlay bah nau nthoi tay tâm nchră gay dơi geh ngăn nau kan mô hôm ndrak nsiu, ndâk nâp mro ân gôl dak Triều Tiên. Wa Chung-ơi-dông kŏ lah rjăp nau kan bah Chính phủ Hàn Quốc mpeh nau kan nkuăl dak lêng Biển Đông, lah rjăp nau mât rnă njrăng, đăp mpăn tâm nkuăl dak lêng aơ lah du nau kan khlay đah ăp dak. Ngăn lah, ăp dak geh tât ân geh ryơk luật pháp lam ntur neh, tâm nê geh nau ton Liên hợp quốc mpeh Luật dak lêng (UNCLOS), đăp mpăn dah rŏng trong dak lêng ndrel trong trôk tâm nkuăl aơ./.

Nŭih rblang: H’Thi