VOV4.M'nông: Bộ Thống nhất Hàn Quốc kuăl đă Triều Tiên ơm plơng ơh tay nău dăn đă ƀư tâm nchră n'hanh tâm boh kalơ nuih n'hâm nău mbơh nsum bar ding nar 15/06/2000. Lah ta năp báo chí, nuĭh ntơh ngơi Bộ Thống nhất Lee Jong-joo lah rjăp, Hàn Quốc mbra tĭng ƀư tay ăp nkô̆ tâm nău mbơh nsum bar ding nar 15/06/2000 n'hanh nsrôih tât dơi trong nkra đăp mpăn ta gôl dak Triều Tiên. Wa Lee Jong - Joo lah kloh, Triều Tiên ân ngăch plơ̆ tay tâm nchră, tâm boh tĭng nuih n'hâm nău mbơh nsum  bah G7 ndơ̆ luh nar 13/6 mpeh nău ŭch tĭng ăp trong tâm boh đah Triều Tiên, Hàn Quốc n'hanh Mỹ tâm nkô̆ nău bar ding. Nău mbơh nsum bar ding nar 15/6 ndơ̆ luh ta rnôk tâm nchră gưl têh năm 2000 đah 2 kruanh rđău kan Hàn Quốc – Triều Tiên. Nkô̆ bah nău mbơh lĕ ma tâm leo mpôl hăn khâl đah ăp rnăk geh chrai, ntrôl dăng hun hao tâm ban geh wăng sa ma trong tâm boh wăng sa n'hanh ƀư tâm nchră Hàn Quốc – Triều Tiên gay tĭng ƀư nău tâm ton dơi mât kơt ơm./.

Nuĭh rblang: Điểu Thân