VOV4.M’nông: Srê Covid-19 hŏ ƀư rgâl têh ngăn tâm nau dăp rgum bah 10 jâng văng sa têh ngăn lam ntur neh đah nau plŏ tay bah Hàn Quốc ndrel n’huch bah Brazil. Tĭng nau mbơh nau geh văng sa lam ntur neh năm 2020 bah Tơm prăk lam ntur neh (IMF), tâm năm 2020, 4 dak dâk bôk mpeh rnoh geh tâm dak nơm (GDP) tâm ban đah rnoh dăp moh lah Mỹ, Trung Quốc, Nhật Bản ndrel Đức. Anh dâk tal 5 ndrel Ấn Độ dâk tal 6. Rlŏ ma nê, Hàn Quốc rlet dâk tal 10. Dăp bah năp Hàn Quốc lah Canada ndrel tal 9, Ý lah dâk tal 8 ndrel tal 7 lah Pháp. Tĭng ntŭk nkoch mbơh nau nŭih dŏng bah Mỹ, nau hun hao văng sa Hàn Quốc năm e knŭng n’huch 1%, rnoh n’huch dêh ngăn tâm rnoh ăp jâng văng sa têh êng, bol ma geh srê Covid-19 ntưp rêng, rnơm nau tăch luh chíp hao âk ndrel nau kan dơi ueh tâm nau njrăng srê./.

Nŭih rblang: H’Thi