VOV4.M’nông: Lôch rnôk si ƀŭt ntô ư̆r tâm boh dak bah dih Nhật Bản 2021 dơi mbơh tâm ôi nar 27/4, Bộ Ngoại giao Hàn Quốc hŏ geh ăp nău rlăch dun rnôk si ƀŭt dja nchih nău dơi ƀư tơm bah Nhật Bản đah ndru gôl dak Takeshima tĭng nău kuăl bah Nhật Bản/Đốc-đô (tĭng nău kuăl bah Hàn Quốc), ơm lah ntŭk dôl geh tâm pit đah bar ding. Bộ Ngoại giao Hàn Quốc hŏ đă Nhật Bản rhuăt tay nău mbơh dja n'hanh plơ̆ lah rjăp tay Dokdo/Takeshima lah nkual neh ntoh mpơl kloh rvah bah Hàn Quốc lĕ mpeh lịch sử, địa lý n'hanh luật pháp lam ntŭr neh. Ndrel nar, Cục trưởng Châu Á-Thái Bình Dương Bộ Ngoại giao Hàn Quốc hŏ rgum Đại sứ Nhật Bản ta Hàn Quốc gay rlăch dun tay nău kan dja./.

Nuĭh rblang: Điểu Thân