VOV4.Mnông- Ntŭk kan mbơh nău mhe Yonhap, Hàn Quốc nar 7/9 ndơ̆ nău, dak aơ lĕ ntơm rlong pănh du bôk ndrak (SLBM) bâh duk mŭr. Kơt nĕ Hàn Quốc lĕ jêng ngih dak bôk năp mô geh phao blêu hạt nhân hun hao jêng bôk ndrak. Nău mbơh an gĭt, Hàn Quốc rlong pănh grăp ohao ŭnh geh ntơ lah Hyunmoo 4-4, lah du ntil rgăp phao rgâl săk bâh Hyunmoo-2B đah nău lot mpăr klâp ma 500km. Hàn Quốc lĕ n’hao ăp grăp phao ŭnh ăp nar lơ ma dăng, gay ma bah ir knơm đah ndơ dŏng ta Mỹ, ntŭk gŭ kan tahen rbăn tahen ta gôl dak Triều Tiên. Pơh ba năp, Kruanh n’gâng kan mât rnă njrăng ngih dak Hàn Quốc lĕ mbơh nău nchrăp mât rnă njrăng ngih dak an lvang năm 2022-2026, tâm nĕ kuăl đă hun hao grăp phao bôk ndrak mhe.

Nu^h rblang: Thị Đoắt