VOV4.M’nông: Tĭng nau mbơh tă bah Ntŭk kan bah Tổng thống Hàn Quốc (Nhà xanh), Hàn Quốc ndrel Triều Tiên lơ 27/7 hŏ tâm ban nau nthoi tay ntŭk tâm mâp ngơi ta ưgeh koh gưl đah 2 ding. Aơ geh ân lah nau kan ueh ngăn gay ma kơl an pơk luh nau tâm boh ueh ân bar ding jêh âk khay nsrŭng kol. Ntŭk nkoch mbơh nau Ngih dak Triều Tiên kŏ kơp dơn, ăp ntŭk tâm mâp ngơi đah 2 ding pơk tay tâm 10h ôi lơ 27/7 tĭng mông dak nê tĭng nau nchrăp tă geh đah ăp rđau kan Hàn-Triều. Tổng thống Hàn Quốc Moon Jea-in ndrel rđau kan Triều Tiên Kim Jong Un hŏ njoăl âk săm ƀŭt kơp ntơm khay 4 mhe rlau, nkre tâm ban nau tnhoi tay nau tâm mâp ngơi đah bar ding./.

Nŭih rblang: H’Thi