VOV4. M’nông: Hội đồng bảo an Liên hợp quốc nar ntri (31/3) hop ndâp gay tâm nchră mpeh nô nău Myanmar lôch ăp nău tât duh jêr mhe aơ. Tâm rnôk nê, ăp dak ASEAN lah rjăp tay nău mĭn mô lăp rglah tâm nău kan êng bah du neh dak, yơn mbra rdâk njêng trong tât uĕh gay nsĭt tay đăp mpăn n'hanh bah tâm lơh tâm su an nuĭh ƀon lan Myanmar. Rơh hop bah Hội đồng bảo an Liên hợp quốc lôch rnôk tahen neh dak Đông Nam Á ntơm nhŭp kân ăp kruanh rđău kan chính phủ, ăp thủ hiến nkual, bang n'hanh ăp nuĭh kan gưl têh bah đảng Liên đoàn neh dak yor geh nău tâm ban (NLD) khay 2 mhe aơ, jêng tât geh rơh duh jêr chính trị ta dak dja. Ta năp ăp nău tât duh jêr ta du dak lăp kan nsum, âk dak ASEAN kuăl jă tay hŭch bah tâm lơh tâm su, lah rjăp ŭch tĭng trong tâm nchră gay nkra nô nău duh jêr ta Myanmar./.

Nuĭh rblang: Điểu Thân