VOV4.M’nông – Nar 7/11 (tĭng mông New York), Hội đồng Bảo an Liên hợp quốc lĕ rƀŭn, djăt Kruanh N’gâng kan tâm rnglăp nchră nău tal 2 bah Brunei, Đặc phái viên bah ASEAN mpeh Myanmar, nău mbơh mpeh ăp nău nsrôih dăch aơ bah ASEAN geh tât nu nău dak aơ. Kruanh N’gâng kan tâm rnglăp nchră nău Brunei nkoch ăp nău nsrôih bah ASEAN tâm năm bah năp tâm nău ntrôl joi trong mkra đăp mpăn an nău Myanmar, lơn lah nău ntrôl ƀư tâm ban 5 nău n’hanh nău mbơh mpeh ăp nău ƀư ntop kơl nuĭh ma ASEAN lĕ ƀư. Lĕ rngôch ăp dak tâm Hội đồng Bảo an Liên hợp quốc uănh lah prêh nău ƀư bah ASEAN ntrôl joi trong mkra đăp mpăn ta Myanmar. Ăp dak lah rjăp uănh khlay bah ntơm ƀư dâl n’hanh tŏng ăp tâm ban ŭch 5 nău, n’hanh mpŏng ŭch Đặc phái viên bah ASEAN ơm dơi lăp Myanmar gay ƀư tĭng nău kan, tâm nĕ geh ntrôl tâm nchră, ndâk njêng nău nsing nơm n’hanh tâm mâp ăp ding geh tât ta Myanmar.

Nŭih blang: Y Sưng Phê Ja