VOV4.M'nông: Hội đồng Bảo an Liên Hợp Quốc mhe ƀư rơh hop mpeh nkô̆ "Mât njrăng ntĭm nti tâm rơh tâm lơh tâm su" tă bah Niger n'hanh Na Uy ndrel ƀư. Ăp dak lăp kan nsum Hội đồng Bảo an n'hanh ăp nuĭh kan mbơh nău lư kuăl jă dŭt bah ăp rơh rdôl lơh tâm nhih nti, nai ntĭm n'hanh kon se nti, tâm ban kơt dŏng nhih nti n'hanh ntŭk ntĭm nti an nău kan tahen. Tâm trôm nău tâm lơh ân tĭng jăp nău way kan tĭng luật pháp dak bah dih, luật kơl nuĭh dak bah dih n'hanh dŭt bah dĭl, nking nchăng ăp nău tih hô đah kon se. Tâm nkô̆ nău dja, ăp dak, ăp mpôl kan tâm nkual n'hanh nkual jê̆ ân n'hao dăng nău dơi mât njrăng kon se, tâm nê geh tâm rgop kan nsum đah Liên hợp quốc rgâl blău mhe rnôk ƀư rblang, hun hao ăp trong kan têh jong mât njrăng kon se, nking nchăng ăp nău tih jru hô n'hanh ntrŭt ntrôl tâm boh yor ma kon se./.

Nuĭh rblang: Điểu Thân