VOV4.M'nông:  Hội đồng Bảo an Liên Hợp Quốc mhe ƀư rơh hop way ăp khay khay 6 gay tâm nchră mpeh nô nău ta nkual Trung Phi n'hanh nău kan bah Văn phòng Liên hợp quốc ta nkual dja. Ntơh măt nuĭh đă hăn kan mha êng bah Tổng Thư ký Liên hợp quốc mpeh nkual Trung Phi François Louncény Fall mbơh rblang nău kan 6 khay bah Tổng Thư ký. Wa Fall an gĭt, nô nău rnă njrăng, wăng sa n'hanh rêh jêng kon nuĭh lah nsum ta nkual hôm âk nău ntul rlong. Nô nău roh đăp mpăn mpeh rnă njrăng ta du đêt dak tâm nkual lơn âk geh tât rơh duh jêr tâm rêng hăn bầu cử, nău kan bah ăp rmôt geh phao bleo n'hanh mpôl lơh ndjơh. Tât khuch bah tâm lơh, nuh srê n'hanh trôk nar lơh dôl ƀư nô nău kơl nuĭh ta du đêt dak ta Trung Phi jêng khuch jru, lơn lah ta Cameroon, Cộng hoà Trung Phi.

Nuĭh rblang: Điểu Thân