VOV4.M'nông: Hội đồng Bảo an Liên hợp quốc hŏ tâm nchră pơk hvi mpeh nô nău Trung Đông, tâm nê geh nkô̆ nău Palestine. Âk dak lăp kan nsum Hội đồng bảo an rhơn rnê ăp rơh mâp mhe aơ bah ăp kruanh gưl têh bar dĭng, yơn lah klach rvê tay mpeh nô nău rnă njrăng ta Bờ Tây, tâm nê geh ăp ntŭk gŭ đăp mpăn nuĭh Do Thái ƀư jêng đah nuĭh Palestine. Âk dak mpơl nău mĭn rlăch dun n'hanh kuăl jă dŭt bah ăp nău kan bah Israel pơk hvi ăp nkual gŭ ta Bờ Tây, lĕ ma mpeh luh nar Jerusalem, lơh rlâm, pit mplơ̆ nhih jay, drăp ndơ bah nuĭh Palestine, kuăl jă an mât kơt ơm ăp nkual neh huêng bah Jerusalem. Ăp dak lah rjăp ân đăp mpăn dơh soih an ăp nău kan kơl nuĭh n'hanh plơ̆ njêng tay an Gaza lôch bah tâm lơh n'hanh kuăl jă ăp nuĭh kơl n'hao âk ndơ rgop an ngân sách bah nhih pah kan kơl nuĭh n'hanh nău kan an nuĭh nchuăt du der Palestine bah Liên hợp quốc.  

Nuĭh rblang: Điểu Thân